商戶優惠
【美心70周年啦】「永遠通用」或者「永久通用」懷舊餅卡換經典迷你黑森林蛋糕一個(價值$128)仲有「徒手CHOK繩」大挑戰等你嚟試!
家中仲有舊餅卡嘅朋友注意啦~只要你有張印住「永遠通用」或者「永久通用」字樣嘅懷舊餅卡,親臨全港美心西餅門市,就可以免費或者補少少差價,換到一個價值$128嘅經典迷你黑森林蛋糕! 仲有加碼驚喜:如果你張餅卡嘅序號入面有「7」或者「0」,除咗蛋糕之外,再送你一份美心西餅原味卷蛋(價值$21)!一張舊卡雙重著數,真係抵到爛啦~ 快啲翻吓屋企個櫃底,睇下有冇塵封多年嘅舊餅卡,將昔日嘅心意變返成而家嘅甜蜜回味啦! 今次唔止換蛋糕,仲有「徒手CHOK繩」大挑戰等你嚟試!平時去餅店買蛋糕,最得意就係睇店員姐姐幾秒內把彩帶繞好,然後「CHOK」一聲完美斷繩,真係好型好瀟灑。而家終於有機會自己落手啦!只要你喺指定20間美心分店,成功徒手CHOK斷彩帶,即刻送你70周年限量版環保袋一個!名額有限,送完即止。約埋朋友一齊去過招啦,睇下邊個先係真正嘅「隱世CHOK繩高手」! 活動日期:2026年11月7日至11月15日(逢星期六、日) 時間:下午1點至5點 第一周(11月7-8日)有譽港灣、第一城、上水、元朗廣場、健威坊、將軍澳廣場、大圍金禧、裕民坊、海壩街、長發店 第二周(11月14-15日)有寶達、新港城、富善、時代廣場、西灣河、利港、頌富、慈雲山、悅來坊、元州店
最後更新